آنه یورت

آی گه چیقیب قیتیب ییِرگه قره سم،

آی دن یاروق, تورکستان کؤرینر.

فاریابیم آنه یورتیم ،میمنم،

توپراغی زر، تاشی لعل دیک کؤرینر.

قیاس ایتسم قویاش ایله، یورتیم نی،

قویاش دن هم گوزه ل، یورتیم نورساچر.

لال قالر من کوُرسم سینینگ بهارینگ ،

گل موسُمی، گلزار اوزره دُرساچر.

ییٍراق کیتسم شاشیله من قیته ی دیب،

اّدِرلردن سه اولنگینگ ساغینیب.

شاشیله من میمنه م نی کؤره ی دیب،

آنه یورتیم سینی جاندن ساغینیب.

آنم سین سن مهریم تؤکیب هید لر من،

آتم سین سن ارداقله گن یاشلیک دن.

شعاریم سن، خیالیمد ن چیقمه گن,

قیمت إیمس جانیم، سینینگ تاشینگدن.

بیر لحظه هم کیتگُوم کیلمس اؤزینگ دن،

اؤیه م سین سن ،اوییم سین سن آنه یورت.

گُل یاپینیب گُلزار ایچره یشرسم ،

ساغینر من تیکان زارینگ آنه یورت.

^{یا لغان قیش}  

^{قیش دیسم یاز دیک بو پیت.}

^{کوز دیسم قنی یپراق,}

^{سپسریغ ساووریلگن؟}

^{چرچه دیم یا لغان قیشد ن.}

^{قیش دیسم کوزدیک بو پیت.}

^{کوز دیسم قیشنینگ چاغی.}

^{اؤیلریم قول چراغ دیک,}

^{أیسیمگه سالر اونی.}

^{قدرتی چیکسیز}

^{بسم الله الرحمن الرحیم}

^{او یره تگن تینگریم مینینگ خداییم}

^{یلغوز ذاتدیر دنیا یوزیده فقط.}

^{یلغوزاودیرکوچلی, قدرتی چیکسیز,}

^{عالم ده یوق اونگه تینگداش کیلر کوچ.}

^{تینگری اؤزی, یره توچی یلغوزدیر}

^{عالم لرنینگ أیگه سی,عقل بیردی ته نی دیب}

^{مهربان دیر چیکسیز کوچی بار بؤلیب}

^{کؤرستمیدی ظالم لرگه کوچینی.}

 ^{آزاده خلـق اؤغـلانـيميـز}

^{آلــــــغه قؤ ي ايركـــــين قدم آزاده لــيكده جانيمـــــيز،}

^{حـــق سـيور،حـق يانـداشـي،حـق يؤلچيـسي انسانيـميز.}

^{بيـزجـفا چيـككن ستـــم كـؤرگنِ ولي؛ يينگيـل مه گـــن،}

^{كؤكـسي قـلقان بغـري كينگ آزاده خلـق اؤغـلانـيميـز.}

^{بــــاقــمـه يـيـن بوحال زاريمـيز گه گـــرآواره ميــــــــز،}

^{كون كـيلر يـاو ني ايـتر بـيرليـك تـوزر يـزدانـيمـــــيز.}

^{يؤل اوزاق،مـقـصدبـويـوك،قـراقچـيلرپـيـستــيرمه ده،}

^{واي كيم يـيتگه ي مي دير مقـصدساري كاروانيميز؟!}

^{قؤرق منگ،قيغورمنگ تون بيتدي تانگ چاغي بودم!}

^{يؤل باسيـنگ ارسـلان كبـي، ايـستربوگون دورانيميـز.}

^{بـيـزشهـنـشــالـر شــهـي بابــر ،نـوايـي  زاده لـــــــر،}

^{ينــگي كوچ، ينگي اميـــد، ينـگي زمـان امـكانـيـمــيز.}

^{ادعـا ايـرمــس بـوسـؤزيـم مـستـند آيـديـن" انيـــــــق"}

^{كــؤره گـانـي نســليـدن، صـاحــبقران سلــطــانـيميــز.}

 

^{مين خلقيم نينگ غوغاسي من،}

              ^{ايركين ليك نينگ شيداسي من .}              

^{ادب ملكي نينگ سلطاني،}

^{بويوك اؤزبيك نواسي من.}

^{يوريب ايركين بوييم بوكمي،}

^{سمالرنينگ هما سي من.}

^{قرانغو لر ني ياروتگن،}

^{صبالرنينگ گواسي من.}

^{كوره ش ميدانيده ايركين،}

^{بو ملت نينگ سوداسي من.}

^{قلبيم تينيق كونگلوم تينيق،}

^{صفالرنينگ صفاسي من.}

^{محبت كوييدن ايسگن،}

^{صبالرنينگ صباسي من.}

^{اؤزيم انيق سؤزيم انيق،}

^{عدالت نينگ شيداسي من.}

^{دياريم گه سلام}

^{باغ و بؤسـتان ني بـيزه ب كـيلگن بـهاريـم گه سـلام}

^{گل ينـاقـلي دلـبريـم گلگـون عـذاريـم گـه ســـــــــلام}

^{ميـن سـاري كـيلگه ي مي ديب چيكديم يؤليده انتظار}

^{بيـر كـؤريـب يـوزين ديسم كؤزي خماريم گه ســلام}

^{بيـنوا بلـبل كـبي گـرگل يـوزينـي كـؤرمـه ســــــــــم}

^{باش آليــب كيتگـوم، ديبـان شهـروديـارـيم گـه سـلام}

^{باغـده گل لـر آچـيلـيب گلشـنده قـوشـلر سـيره شـيب}

^{تاغ وتاش خـرم بؤليـبديـر،ســبزه زاريم گـــــه سلام}

^{يـــاردن اؤزگـــــه قيـله آلمــس بـودرديـم گــــــه دوا}

^{اوطبــيبـيم هـم شفــاكاريـم نــــــــــگاريــم گه ســلام}

^{توشدي عمــــــريم كيمه سي هجرانده غم دينگيزيگه}

^{ناخـــــــــدادن ني مدد،پروردگاريم گه ســـــــــــلام}

^{تــــينمه يين اوبي وفـا هـــــجريده ييغلب ديـر انــيق}

^{لعلي خنـــدان كؤركه باي گل يوزلي ياريم گه سلام}

_{اقتداريم سن قلم}

_{عالم اوزره نور ساچگن افتخاريم سن قلم}

_{جهل وظلمت دن چيقارگن سين وقاريم سن قلم}

_{بو "قلم آوازي" اهل علم وعرفان كؤزگوسي}

_{معرفت باغين نهالي اعتباريم سن قلم}

_{تينچليك دوراني كيلدي كيتدي ظلمت سايه سي}

_{جان بغيشلاوچي تنيمگه نوبهاريم سن قلم}

_{ايش بيلرمانلر بيلن اهل نظر عصري بوگون}

_{خلقيميز سؤزين يازيب آيينه داريم سن قلم}

_{ينگي كؤكلم ينگي ييل ينگي زمان ياغدوسيده}

_{كؤرگه زورسن بيرليك ايچره اقتداريم سن قلم}

_{دايما علم وادب كلزاري سيندن يشنه گه ي}

_{تينمه يين بير لحظه ياز ايركين شعاريم سن قلم}

_{جاويدان ينگرر" قلم سيسي" وطن آسمانيده}

_{بوسؤزيم آيدين" انيق" دير شاهكاريم سن قلم}